بچپن میں نظر انداز کیا جانا کے نفسیاتی اثرات

تحریر: سیدہ مناحل راحیل

بچپن انسان کی زندگی کی سب سے نازک عمر ہوتی ہے۔ اس عمر میں بچہ ایک کچے برتن کی طرح ہوتا ہے، جیسا اسے بنایا جائے گا، ویسا ہی وہ بڑا ہو کر بن جائے گا۔

اس عمر میں بچے کو کھلونے نہیں چاہیے ہوتے، مہنگے کپڑے نہیں چاہیے ہوتے، بڑا گھر نہیں چاہیے ہوتا۔ اسے صرف ایک چیز چاہیے ہوتی ہے، اور وہ ہے ماں باپ کی توجہ، محبت اور وقت۔ مگر افسوس آج کل کے ماں باپ بچے کو سب کچھ دے دیتے ہیں، سوائے توجہ کے۔

بچہ پورا دن گھر میں اکیلا رہتا ہے، ماں موبائل میں مصروف ہے، باپ کام میں مصروف ہے، اور بچہ ایک کونے میں بیٹھا سب کو دیکھتا رہتا ہے۔ وہ چاہتا ہے کوئی اس سے بات کرے، کوئی اسے گود میں اٹھائے، کوئی اس سے پوچھے کہ آج اس کا دن کیسا گزرا۔ مگر کوئی نہیں پوچھتا۔

نظر انداز ہونا کیا ہوتا ہے؟

نظر انداز ہونا صرف یہ نہیں ہے کہ بچے سے بات نہ کی جائے۔ نظر انداز ہونا یہ ہے کہ بچہ آپ سے کچھ کہے اور آپ موبائل دیکھتے ہوئے کہہ دیں، ہاں ہاں ٹھیک ہے۔ بچہ آپ کو اپنی ڈرائنگ دکھائے اور آپ کہہ دیں، بعد میں دیکھوں گی۔ بچہ رو رہا ہو اور آپ کہہ دیں، چپ کر جاؤ، مجھے کام ہے۔

بچہ یہ سب سمجھتا ہے ۔ وہ چھوٹا ہے، مگر بے وقوف نہیں ہے۔ وہ سمجھ جاتا ہے کہ امی ابو کے پاس میرے لیے وقت نہیں ہے۔

ایک بچے کی کہانی:

ایک چھوٹا سا بچہ تھا، اس کا نام احمد تھا۔ وہ ہر روز سکول سے آ کر اپنی امی کو بتاتا تھا کہ آج اس نے کیا سیکھا۔ ایک دن اس نے اپنی امی سے کہا، امی آج مجھے سکول میں انعام ملا ہے۔ امی نے موبائل سے نظر اٹھائے بغیر کہا، اچھا اچھا، شاباش۔

احمد نے پھر اپنے ابو سے کہا، ابو دیکھیں میرا انعام۔ ابو نے کہا، بیٹا ابھی میں تھکا ہوا ہوں، بعد میں دیکھوں گا۔ وہ بعد میں کبھی نہیں آیا۔

اس دن کے بعد احمد نے اپنی کامیابی کسی کو بتانی چھوڑ دی۔ وہ خاموش ہو گیا۔ وہ اپنے کمرے میں اکیلا کھیلنے لگا۔ اور یہی خاموشی اس کی سب سے بڑی بیماری بن گئی۔

یہ کہانی صرف احمد کی نہیں ہے، یہ ہر دوسرے گھر کے بچے کی کہانی ہے۔

بچپن میں نظر انداز کیے جانے کے نفسیاتی اثرات:

1. احساس کمتری:

جب بچے کو نظر انداز کیا جاتا ہے تو اسے لگتا ہے کہ میں اچھا نہیں ہوں، اس لیے امی ابو مجھ سے بات نہیں کرتے۔ وہ دوسرے بچوں کو دیکھ کر سوچتا ہے کہ وہ سب مجھ سے بہتر ہیں۔ یہ احساس کمتری اس کے ساتھ بڑا ہو جاتا ہے، اور وہ ساری زندگی خود کو کم سمجھتا رہتا ہے۔

2. غصہ اور ضد:

کچھ بچے اپنی توجہ کے لیے ضد کرنے لگتے ہیں۔ وہ چیزیں توڑتے ہیں، چیختے ہیں، روتے ہیں، سکول میں لڑتے ہیں۔ لوگ کہتے ہیں، یہ بچہ بدتمیز ہو گیا ہے، مگر کوئی یہ نہیں سمجھتا کہ یہ بدتمیزی نہیں ہے، یہ توجہ کی بھیک ہے۔ وہ صرف یہ چاہتا ہے کہ کوئی اسے دیکھے۔

3. ڈر اور تنہائی:

نظر انداز کیا جانے والا بچہ ہر وقت ڈرا رہتا ہے۔ اسے لگتا ہے کہ اگر میں نے کچھ کہا تو ڈانٹ پڑے گی۔ اس لیے وہ چپ رہنا شروع کر دیتا ہے۔ وہ اکیلا کھیلتا ہے، اکیلا کھاتا ہے، اکیلا روتا ہے۔ یہ تنہائی اسے اندر سے کھا جاتی ہے۔

4. پڑھائی میں دل نہ لگنا:

جس بچے کو گھر میں پیار نہیں ملتا، اس کا پڑھائی میں بھی دل نہیں لگتا۔ اسے لگتا ہے، میں پڑھ کر بھی کیا کروں گا، کسی کو میری پرواہ ہی نہیں ہے۔ اس کے نمبر کم آنے لگتے ہیں، اور پھر ماں باپ اسے اور زیادہ ڈانٹتے ہیں۔ یہ سلسلہ چلتا رہتا ہے۔

5. رشتوں سے بھروسہ اٹھ جانا:

جس بچے کو بچپن میں ماں باپ سے پیار نہیں ملا، وہ بڑا ہو کر کسی پر بھی بھروسہ نہیں کرتا۔ اسے لگتا ہے کہ دنیا میں کوئی کسی سے پیار نہیں کرتا۔ وہ دوستوں سے بھی دور رہتا ہے، اور اکیلا رہنا پسند کرتا ہے۔

6. بڑے ہو کر غلط راستے پر جانا:

سب سے خطرناک اثر یہ ہے کہ وہ نظر انداز کیا جانے والا بچہ پیار باہر ڈھونڈنے لگتا ہے۔ وہ غلط دوستوں میں چلا جاتا ہے، موبائل اور گیمز کا عادی ہو جاتا ہے، اور کبھی کبھی نشے جیسی چیزوں کی طرف بھی چلا جاتا ہے۔ کیونکہ اسے گھر میں وہ پیار نہیں ملا جو اسے ملنا چاہیے تھا۔

7. خود کو بوجھ سمجھنا:

کچھ بچے تو یہاں تک سوچنے لگتے ہیں کہ میں پیدا ہی کیوں ہوا، میں تو سب کے لیے بوجھ ہوں۔ یہ سوچ ایک چھوٹے سے بچے کے لیے کتنی خطرناک ہے، تم سوچ بھی نہیں سکتی۔

ہماری غلطی کہاں ہے؟

ہم سمجھتے ہیں کہ بچے کو کھانا دے دیا، کپڑے دے دیے، فیس دے دی، تو ہم نے اپنا فرض پورا کر دیا۔ مگر بچے کو کھانا نہیں، تمہارا وقت چاہیے۔ اسے مہنگا موبائل نہیں، تمہاری گود چاہیے۔ اسے کھلونے نہیں، تمہاری باتیں چاہیے۔

ہم اپنے موبائل کے لیے وقت نکال لیتے ہیں، دوستوں کے لیے وقت نکال لیتے ہیں، ٹی وی کے لیے وقت نکال لیتے ہیں، مگر اپنے بچے کے لیے 10 منٹ نہیں نکال سکتے۔ یہی ہماری سب سے بڑی غلطی ہے ۔

حل کیا ہے؟ ہم کیا کریں؟

1. روز تھوڑی دیر ساتھ بیٹھیں:

آپ کو پورا دن نہیں دینا، صرف دن میں 20 منٹ دے دو۔ بچے کے پاس بیٹھو، اس سے پوچھو، بیٹا آج سکول میں کیا ہوا، آج تم نے کیا سیکھا؟ یہ ایک چھوٹا سا سوال اس کے پورے دن کی تھکاوٹ ختم کر دے گا۔

2. اس کی بات کو غور سے سنیں:

اگر وہ کوئی چھوٹی سی بات بتائے تو اسے ٹالو مت، اسے یہ مت کہو کہ یہ تو فضول بات ہے۔ اس کے لیے وہ بات بہت بڑی ہوتی ہے۔ اس کی بات کو غور سے سنو، چاہے وہ بات تمہیں چھوٹی لگے۔

3. اسے مارو مت، پیار سے سمجھاؤ:

جب بچہ غلطی کرے تو اسے مار کر مت ڈراؤ، اسے پیار سے سمجھاؤ۔ کیونکہ مار سے بچہ سدھرتا نہیں، ڈرتا ہے۔ اور ڈرا ہوا بچہ کبھی اپنی بات نہیں بتاتا۔

4. اس کی تعریف کرو:

جب وہ کوئی اچھا کام کرے تو اس کی تعریف کرو۔ اسے کہو، شاباش بیٹا، مجھے تم پر فخر ہے۔ یقین کرو یہ ایک جملہ اس کی ساری زندگی بدل دے گا۔

حل کیا ہے؟ ہم کیا کریں؟

1. روز تھوڑی دیر ساتھ بیٹھیں:

آپ کو پورا دن نہیں دینا، صرف دن میں 20 منٹ دے دو۔ بچے کے پاس بیٹھو، اس سے پوچھو، بیٹا آج سکول میں کیا ہوا، آج تم نے کیا سیکھا؟ یہ ایک چھوٹا سا سوال اس کے پورے دن کی تھکاوٹ ختم کر دے گا۔

2. اس کی بات کو غور سے سنیں:

اگر وہ کوئی چھوٹی سی بات بتائے تو اسے ٹالو مت، اسے یہ مت کہو کہ یہ تو فضول بات ہے۔ اس کے لیے وہ بات بہت بڑی ہوتی ہے۔ اس کی بات کو غور سے سنو، چاہے وہ بات تمہیں چھوٹی لگے۔

3. اسے مارو مت، پیار سے سمجھاؤ:

جب بچہ غلطی کرے تو اسے مار کر مت ڈراؤ، اسے پیار سے سمجھاؤ۔ کیونکہ مار سے بچہ سدھرتا نہیں، ڈرتا ہے۔ اور ڈرا ہوا بچہ کبھی اپنی بات نہیں بتاتا۔

4. اس کی تعریف کرو:

جب وہ کوئی اچھا کام کرے تو اس کی تعریف کرو۔ اسے کہو، شاباش بیٹا، مجھے تم پر فخر ہے۔ یقین کرو jan، یہ ایک جملہ اس کی ساری زندگی بدل دے گا۔

5. اسے دوسرے بچوں سے موازنہ مت کرو:

اسے کبھی یہ مت کہو کہ دیکھو فلاں کا بچہ کتنا اچھا ہے، تم تو نالائق ہو۔ اس سے بچہ اور زیادہ ٹوٹ جاتا ہے۔ ہر بچہ الگ ہوتا ہے، اسے اسی طرح قبول کرو۔

6. اسے موبائل مت دو، اپنا وقت دو:

بچے کو چپ کرانے کے لیے اسے موبائل مت پکڑا دو۔ اس کے ساتھ کھیلو، اس کو کہانی سناؤ، اس کے ساتھ باہر جاؤ۔ بچے کو موبائل نہیں، تم چاہیے ہو۔

آخری بات:

بچپن میں نظر انداز کیا جانا کسی زخم سے کم نہیں ہوتا۔ یہ زخم نظر نہیں آتا، مگر یہ بچے کو اندر سے ختم کر دیتا ہے۔ یہ زخم دوائی سے نہیں بھرتا، یہ صرف محبت سے بھرتا ہے۔

آج جس بچے کو تم نظر انداز کر رہی ہو، کل وہ بڑا ہو جائے گا۔ پھر وہ تم سے دور ہو جائے گا، اور تم کہو گی، کاش میں نے اس کو وقت دیا ہوتا۔

اس لیے آج ہی اپنے بچے کے پاس جاؤ، اسے گلے لگاؤ، اس سے کہو، بیٹا تم میرے لیے سب سے قیمتی ہو۔ یقین کرو یہ ایک جملہ اس کی ساری تنہائی ختم کر دے گا۔

کیونکہ بچے کو پیسہ نہیں چاہیے، اس کو بس تم چاہیے ہو۔ اس کو تنہائی نہیں، تمہاری تھوڑی سی توجہ چاہیے۔