Title -Pakistan Cricket kab sudhrega?

Pakistan cricket dekhna ek ajeeb si mohabbat hai.

Hum har dafa kehte hain, is dafa nahi dekhen ge.

Phir bhi jab match shuru hota hai, to hum sab se pehle TV ke samne hote hain.

Ye mohabbat hi to hai, jo humein har dafa wapas le aati hai.

Chahe team jeete ya haare, hum team ke sath rehte hain.

Lekin dil me ek sawal to rehta hi hai.

Pakistan cricket kab sudhrega?

*1. Shuruwat*

Shuruwat me sab acha hota hai.

Pehle over me chauka lagta hai.

Dusre over me bhi run aate hain.

Lagta hai aaj to match jeet jayen ge.

Phir achanak ek wicket girti hai.

Dil thora sa ghabra jata hai.

Lekin hum kehte hain, koi baat nahi, abhi bohat players baqi hain.

*2. Pressure*

Asli khel pressure ka hai.

Jab pressure aata hai, to sab badal jata hai.

Player ka hath kaanpne lagta hai.

Dimagh kaam karna band kar deta hai.

Dusri team isi waqt ka faida uthati hai.

Wo pressure aur barha deti hai.

Wo fielding tight kar deti hai.

Wo bowling slow kar deti hai.

Hamari team is pressure me phas jati hai.

Wo jaldi karne lagti hai.

Wo bari shot maarne lagti hai.

Aur wahi par wicket de deti hai.

*3. Jaldbazi*

Jaldbazi hamari sab se bari dushman hai.

Jab ek player out hota hai, to dusra aakar chauka maarna chahta hai.

Wo sochta hai, me abhi sab theek kar dunga.

Lekin wo bhool jata hai, cricket sabar ka khel hai.

Agar tum 10 ball par 5 run banao, to bhi theek hai.

Lekin agar tum 2 ball par out ho jao, to team ko nuksan hota hai.

Ye baat har player ko samajhni hogi.

*4. Single Double*

Bari teams ka raaz single double hai.

Wo har ball par chauka nahi maarte.

Wo 1 run lete hain.

Phir 2 run lete hain.

Phir strike badal lete hain.

Is se score board chalta rehta hai.

Pressure kam hota rehta hai.

Aur akhir me jab 5 over rehte hain, to wo khul kar khelte hain.

Hamari team ko bhi yehi seekhna hai.

Pehle wicket bachao.

Phir run banao.

Phir akhir me bari shot maaro.

*5. Captain*

Captain ka kaam bohat mushkil hai.

Us ko sab ko sambhalna hota hai.

Us ko fielding lagani hoti hai.

Us ko bowling badalni hoti hai.

Jab team pressure me hoti hai, to captain ko sab se zyada sabar dikhana hota hai.

Agar captain ghabra gaya, to poori team ghabra jati hai.

Agar captain ruka raha, to poori team ruk jati hai.

*6. Bowling*

Bowling hamari taqat hai.

Duniya manti hai, Pakistan ke bowler sab se khatarnak hain.

Lekin kabhi kabhi bowler bhi pressure me aa jata hai.

Wo full toss de deta hai.

Wo no ball kar deta hai.

Aise waqt me bowler ko sirf ek baat yaad rakhni hai.

Line aur length.

Bas line aur length sahi rakho.

Wicket khud aa jayegi.

*7. Fielding*

Fielding se match jeeta jata hai.

Ek acha catch poora match badal deta hai.

Ek kharab miss poora match hara deta hai.

Hum ne aksar dekha hai.

Acha catch chhoot jata hai.

Phir wahi player 50 run bana deta hai.

Phir hum kehte hain, kash catch pakar lete.

Is liye fielding par sab se zyada mehnat karni chahiye.

*8. Fan*

Fan hi asli taqat hai.

Fan subah se dua karta hai.

Fan match ke liye kaam chor deta hai.

Fan haar par bhi team ko galiyan nahi deta, bas udaas ho jata hai.

Asli fan wo hai, jo haar par bhi kehta hai.

Koi baat nahi, agle match me jeet jayen ge.

Yehi umeed team ko aage le jati hai.

*10. Mehnat*

Mehnat ke baghair kuch nahi hota.

Jo player subah 5 baje uthta hai.

Jo ghanton practice karta hai.

Wahi aage jata hai.

Talent sab ke paas hai.

Lekin mehnat sirf kuch log karte hain.

Aur wahi kuch log duniya me naam kamate hain.

*11. Sabar*

Sabar sab se bari taqat hai.

Jo player sabar karta hai.

Wo lambi innings khelta hai.

Wo team ko jeetata hai.

Sabar ka matlab ye nahi ke tum run na banao.

Sabar ka matlab ye hai ke tum ghalat ball par shot na maaro.

Sahi ball ka intezar karo.

Sahi ball aayegi, aur tum chauka maar doge.

*12. Umeed*

Umeed kabhi khatam nahi hoti.

Har naya match nayi umeed hai.

Har naya player nayi umeed hai.

Har naya din nayi umeed hai.

Hum ab bhi umeed karte hain.

Pakistan team ek din phir duniya ki number 1 team banegi.

Wo din door nahi hai.

Bas thora sa sabar chahiye.

*13. Coach*

Coach ka kaam sirf batana nahi hota.

Coach ka kaam hosla dena hota hai.

Jab player out ho kar aaye, to coach us ko daante nahi.

Wo us ko samjhaye ke kya ghalti hui.

Phir agli dafa wo ghalti na kare.

*13.jeet*

jeet ke liye khush ho.

per jeet keliye ghamand mat karo.

Aaj jeete ho kal phir mehnat karo.

phir dobara jeeto.

*14. Practice*

Practice me jo ghalti karoge.

Match me wahi ghalti theek hogi.

Is liye practice ko mazak mat samjho.

Practice ko asli match samajh kar khelo.

*15. Dua*

Hamari ammi ki dua sab se bari taqat hai.

Jab ammi kehti hai, beta jeet kar aana.

To dil me ek alag hi taqat aa jati hai.

Is liye match se pehle ammi se dua lena zaroori ha.

*16. Aakhri Baatain*

Aakhir me sirf ek baat hai.

Cricket sirf khel nahi hai.

Ye hamari pehchan hai.

Ye hamari khushi hai.

Jab Pakistan jeet-ta hai, to poora Pakistan jeet-ta hai.

Gali me bache nachte hain.

Ghar me ammi dua deti hai.

Dost ek dusre ko phone karte hain.

Is liye team ko ye yaad rakhna chahiye.

Wo sirf apne liye nahi khel rahe.

Wo 25 crore logon ke liye khel rahe hain.

Aap kya sochte hain? Pakistan cricket kab sudhrega?

Apni raye neeche comment me zaroor batayein.

Agar ye article acha laga ho, to apne doston ke sath share zaroor karein jo cricket dekhte hain.